ከሶስት መቶ ሚሊዮን በላይ በሚሆኑ ሰዎች ላይ ይገኛል የሚባለው Hepatitis B ሔፓታይትስ ቢ ቫይረሰ ዋና የጉበት በሽታ ጠንቅ ነው፡፡ ጉበት መስራት አስከሚያቆም ወይም በቫይረሱ ምክንያት የጉበት ካንሰር አስከሚከሰት ድረስ ድምጽ አልባ የጉበት በሽታ ሥር እየሰደደ የሚሄድበት ሁኔታ ነው፡፡ ደግነቱ መከላከል ይቻላል፡፡ ነገር ግን ከዚያ በፊት በቫይረሱ መያዘና አለመያዝን ማረጋገጥ ያስፈልጋል፡፡ ይህ ቫይረስ በታዳጊ አገሮች በብዛት የተሠራጨ በቤተሰብ ሊዛመት ሰለሚችል ሰለ ሔፓታይትሰ ቢ መገንዘብ ወሳኝ ነው፡፡ ቪዲዮውን ይመልከቱ እርስዎም ይማሩበታል፡፡

HIV ኤች አይ ቪ አሁንም አለ፡፡ ሥርጭቱ የቀነሰ ቢመስልም ባንዳንድ የህብረተሰብ ክፍሎች  መዛመቱ   አልቀረም፡፡ በመድሀኒቶች ምክንያት  በሽታም እንዳይከሰት በማድረግ በቫይረሱ የተያዙ ሰዎች ረዥም ዕድሜ እየኖሩ ነው፡፡ ያ ግን መድሐኒቱ ሲገኝ ነው፡፡ ከዚህ ሁሉ ግን አለመያዝ አይሻልም? በማወቅም ሆነ ባለማወቅ ለቫይረሱ በድንገት ቢጋለጡ ቫይረሱ ወደ ሰውነት ስር እንዳይሰድ መከላከል ይቻላል፡፡ በመድሀኒት፡፡ አሁን ግን በስድስት ወር አንድ ጊዜ ብቻ በሚሠጥ አስቀድሞ መካለክል የሚቻልበት ሁኔታ ተፈጥሯል፡፡ ቪዲዮውን ይመልከቱ፡፡ ጉዳዩ በግል ባይመለከትዎ እንኳን ሌሎችን መምከርና ማሰተማር ይችላሉ፡፡